Маркази милии илмии пайвандсозии узв ва бофтаҳои инсон

Муассисаи давлатии «Маркази миллии илмии пайвандсозии узв ва бофтаҳои инсон»-и Вазорати тандурустии Ҷумҳурии Тоҷикистон аз 1-уми июли соли 2010-ум таъсис дода шудааст.

Дар давоми панҷ соли фаъолият дар Марказ зиёда аз 60 амалиёти пайвандсозии гурда ва 5 трансплантатсияи ҷигар аз донорҳои хешутаборӣ бо натиҷаҳои назаррас гузаронида шудааст. Марказ бо дастгоҳҳои замонавии дастгоҳҳои мадҳушкунанда, нафасдиҳии сунъӣ, коагулятори газӣ ва озмоишгоҳҳои ташхиси хун таҷҳизонида шудааст.

Самтҳои асосии фаъолият:

– инъикоси имрӯзу фардои тибби пайвандсозии узв ва бофтаҳои инсон дар Тоҷикистон;

– инъикоси пешравии пайванндсозии тибби тоҷик дар солҳои соҳибистиқлолӣ дар соҳаи пайвандсозӣ;

– амалӣ намудани равандҳои тайёр намудани кадрҳо дар соҳаи пайвандсозӣ;

– омӯзиши таҷрибаи ҷаҳонии олимони соҳа.

Сохтори марказ:

Шуъбаи гипертензияи порталӣ ва трансплантатсияи ҷигар;

Шуъбаи пайвандсозии гурда ва ғадуди зери меъда;

Шуъбаи ташхиси функсионалӣ;

– Шуъбаи наҷот;

– Озмоишгоҳ.

Нақшаҳои наздиктарини марказ:

– Ҷорӣ намудани трансплантатсияи мағзи устухон ва ғадуди зери меъда;

– трансплантатсияи дил ва дигар узвҳо дар шароити таҷрибавӣ.

Scroll Up